Prime Ministers New Year Message

Tuilaepa official photoAPIA: 01 Ianuari 2013:” Tatou te fa’afetaia faatasi le agalelei faasoasoa mai o lo tatou Matai i le lagi ina ua tatou aulia lenei tausaga fou fiafia ma le toafilemu.

“Tulouna Lau Afioga i le Ao Mamalu o le Malo ma lau Masiofo. Tulouna Lau Afioga i le Sui Tofia ma lau Masiofo.

“Tulouna paia faalupe o le Tafatolu Fefaatauagai i le Pulega Malo, le Faamasinoga ma le Fono Aoao Faitulafono.  O paia lava ia o Samoa i ona tulaga faalupelupeina tainane Malo Faaaloalogia, Sui o Malo ma Faalapotopotoga Tumaoti.  O paia foi o le Malo o Tutuila ma Manu’a aua le Faleagafulu ma Tootoo,………….. Taalolo.

“Ua tuta le folauga o lena tausaga ua mavae atu, 2012, ua taupe le tila taupe le faga, tu’ula fanola a e lafo le taula i Malolo. O se folauga umi ua faataumuaava a e toe afatia. Sa o tatou matua lutia ai i Puava. Ua mama i oa mama i taloa. A ua tatou mapu nei i Fagalele ma tau fofo malie o tatou manu’a.

“Ma o lo o faagasolo pea galuega laveai a lo tatou Malo i le mafai e gata ai. O le faamafanafanaga sili mo le Malo o le afatia o i tatou a o malamalama, ma na o se vaega foi o Samoa ua aafia.  Pe ana tupu i le pogisa e ono le mafaitaulia ni ola e maimau. Ua mae’a foi ona faamaise le Ao Mamalu o le Malo i aiga mafatia i lana malelega faamanuia o le Kerisimasi.

“O lenei ua tatou amata folau i le la fala i le faigamalaga o lenei tausaga fou, a e o lo o faaleoleo pea foi le tatou la ‘afa aua aso o afa. O uiga loloto ia o le soifuaga ua uma lava ona tuumatamaga e le Atua tulafono o le foafoaga e mulimulita’ia e mea uma e oo lava i le tagata. E i ai lona fana’elupe e i ai foi lona taulaumea. E i ai le taimi e foa ai e i ai foi le taimi e afu ai. O tua o afa e taoto ai Maninoa. E i ai le malu taeao sesegi o le tafa o ata, i ai foi le malu afiafi o le tagi o alisi. E oso a’e le la ma toe goto atu, e toe oso foi.  Ua afu lena tausaga ua te’a atu ma ona lelei ma ona fatia. Ua tatou aulia le tausaga fou, o le amataga fou e foaina ai o tatou uiga ma lagona fou, o taaviliga na o uiga loloto o foafoaga a le Matai Poto, o le fagufagu faamanatu foi lea mo i tatou uma e le Silisili Ese o le Atua Foafoa, o lo o Ia Soifua ma o lo o Ia faamasino mai i tatou taitoatasi i taimi uma e le aunoa.

“Ua lalago faatasi nei a tatou foe ma atofa ai le uluai vaiaso o le tausaga, e le gata o le Vaiaso o Talosaga o le Tausaga Fou, e pei ona faia e Ekalesia Kerisiano uma i Samoa, a ua faatauaina ai foi Talosaga ma Anapogi,……………aua a siisii ou gataifale ma louloua ou vaifanua, ua na o le Atua Silisili

“Ese le sulufa’iga o Samoa nai faalavelave faanatura.  O le Atua foi e aoao Lana silafaga. Na te le faatua’oia foi se taimi o le faaoloolomaau, aua o taimi uma lava o la le Atua lea.  E ao ai ona tatou mulumuluau foe faatasi i lenei faamoemoe lelei.

“E le o na ma le laina, o le fili ogaoga o lo o faafeagai nei ma le lalolagi, o suiga matuia ia o le tau e afua i le atili vevela o le ea, a e faapogai ai atunuu tetele o le lalolagi.  O le uiga augata o nei Malo loto ma’a’a, e le fia tagofia vave ai ni fofo e fo’ia ai ia faafatiatama’i, ona e matua aafia ai o latou tamaoaiga.  O se manatu faapito lava lea.  Ma o le taunuuga mautinoa o ia uiga musua, o le le mautonu ma le fetotoai o le lalolagi o i ai nei, o le atili faateteleina pea lea o le ogaoga o mafui’e ma sunami, galua o le gataifale, o lamala, o timuga mamafa, lologa ma tafega.  Magoto ai i le moana sausau o nofoaga tumatafaga, faapea le tele o atunuu mafola o le Pasefika ona o le siitia maualuga o le suatai i le liu suavaia o le pole aisa i matu, faapea le pole aisa i saute.  O tulaga faatupu mala ia o le a faatuputeleina ma atili faateteleina ai le malolosi uiga ese o faalavelave faanatura e ao ona tatou nofo malamalama lelei i ai, ma tapenapena mamao foi i ai.  O a mea e tatau ona tatou faia?

“E leai se mala e tupu e aunoa ma le muai lapataia o i tatou.  O lologa ma tafega o Vaisigano na maliliu ai nisi i le masina o Iuni 2012, o le faataimuaga lea o lologa ma tafega matautia talu ai nei.  O le sunami o le 2009, na faataimua e le mafui’e tele na lulu.  Na i ai le masele puupuu lava e faia ai gaioiga tatau.  O le lave masani, o le loto e masalosalo ma le le talitonu.  Se’iloga e tupu ona faatoa faataua lea.  A e ua masaa le ipu vai e le mafai ona toe aoao mai.  E aoga le toe faitau i le tala ia Noa ma lona vaa na fau a o le’i oo mai lologa.

“O le matua tauave, o mea na tutupu e toe tutupu.  A o lapataiga masani ua faafagogo tagiao: e lamatia nofoaga tulata i vaitafe ma tumatafaga; faalalo laau tulalata i maota ma laoa; e ola pea le eletise i le sala o laau tulata i uaea; e le toe lafotuina gofie pe faasasapa ni pou moli e tutu’i loloto mulipou i le manava o le eleele e masini eli eleele a le au tosolaina a le EPC, e le’o toe elia i suo e afua ai le augata ma le musua; e le toe lelea foi se apa atofale e tu’ifao faatoaga patu o apa atofale faatulaga faasolosolo faatasi ai ma fusi o si’uapa.  E le malepe foi se pasi po o se loli e faaifo i se a’ega ma tuua’ia ai fua taofi ua le aai, ma maumau ai ola pe ana faa’ai le kia na fau e le palagi e faatonutonu tatau ai le saoasaoa o le taavale afi o lo o faafoe e le talavou mitavale faasua’ava.  E anoano le mau puapuaga e faasaoina ai ola pe a faautagia nei lapataiga faifaipea a le tatou Komiti o Faalavelave Matuia.

“O faatama’iga o le afa lenei o le a avea ma faataitaiga o suiga matuia o le tau, atoa ma le aafia o le tatou tamaoaiga, o le a tuuina atu i luma o le fono tele a le lalolagi o le a usuia i Samoa i le faaiuga o le 2014 – e auai le tele o taitai o malo – le failautusi aoao ma faauluuluga uma o Malo Aufaatasi.  O se fono pito tele lea o le a talimalo ai Samoa.

“Faafetai i Malo agalelei ma Faalapotopotoga Faavaomalo o lo o fesoasoani ma laveai mai i o tatou puapuaga e ala i oloa eseese mo uluai fesoasoani pito moomia.  Faapitoa le faamalo i o tatou uso tu’ofe i Amerika Samoa, i le Malo, Faalapotopotoga ma Kamupani eseese na aupito vave mai a latou fesoasoani e ala i taumafa, o lavalava ma fagu vai, e ui lava o lo o feagai foi i latou ma faigata tau seleni.  Moni o uo i aso uma a o uso lava mo aso vale.

“O le aso tolu o lenei masina o le a faatauto ai le Malo Fou.  Ia sagai ane ai o le tai, ia faaosofia moegaluaga, maua le Tofa i le Kovana Sili ma lana faigamalo aua le taitaiina o le autunuu.  Faamalo i le Afioga ia Togiola Tulafono i tausaga e tele sa tatou galulue soosootauau ai i atinae eseese e pei o le faafaigofieina o fesootaiga televavave tau uaealesi, femalagaiga ma felauaiga, o polokalame faalauiloa o tagata asiasi maimoa, o polokalame e faasagatau atu ai i soligatulafono faavaomalo, o gaioiga eseese mo le puipuiga o faamai matuia o lo o maliliu ai le toatele o tatou tagatanuu, ma polokalame eseese tau taaloga.  O atinae soosootauau uma nei e galulue feoeoeai ai ona o le natura lea o Malo tu tuaoi, toe fesootai ona gafa Malo e taufai aafia uma ai lava Malo e Lua e le maalofia.

“Faamalo le galulue, faafetai le tauata’i i tiute ma tofi sa fitaituga ma gapatia ai i Taitai Faalemalo faapea le Aufaigaluega a le Malo, Pule o Kamupani ma Faalapotopotoga Tumaoti, Taitai o Ekalesia faapea Taitai Faaleatunuu i pulega mamalu a Alii ma Faipule o afioaga ma alalafaga, Faletua ma Tausi, Sa’oao ma Augafaapae, o Matua’u’u ma le Auseepapa faapea le malosi o nuu.

“Faafetai i mea lelei uma sa fai i le atinaeina o Samoa i lenei tausaga ua mavae atu – ia toe faaauau i lenei tausaga fou.  A e mo i latou e lei atoatoa ona faatino feau na valaauina i ai e le Silisili Ese i lena tausaga ua tea, tatou taumafai ‘ia i ai se ‘ai o lenei tausaga o le a faagasolo.  E tualelei le galulue aua e le laofie aso uma o le tatou soifua.

“Ou te fia afea tupulaga talavou o Samoa e toe faamanatu ma faamamafa i outou loto, o outou o taitai o Samoa o a taeao.  O au tou mea e fai i le aso, e iloa ai outou i le lumanai.  Faaaoga lelei taleni o lo o i a te outou.  Mo e ua ausia tulaga maoa’e faapitoa i soo se matata, toe siisii i luga matati’a ia oo i le tuluiga o le vanimonimo.  O le matati’a lena lea na oo i ai le taumafaiga a le tatou Taitoafitu lea foi ua lalata atu i ai le Sefululima.  Ua latou faatietie ai Samoa i le maasalafa – faamalo le tau – o outou mama na.

“Mo o tatou aiga asiasi mai, e tumau pea le talitonuga tou te susu’e pea le faamalama ma manatua mai si o tatou atunuu i lau tou tatalo.  Ia maua sou tou fiafiaga sili ina ua feiloai ma aiga o lo o tau malae ma leo atu a outou mea sina paia aua fanau o le lumanai.  Tautai le Atua e malutia lou tou soifua pe a taliu le uto i atunuu o lo o outou aumau ai.

“Ona faata’i lea o le faamatalaga o le a le faamatafauloaina, ia ‘Au o Manu lavasiga uma o lenei tausaga.

“Manuia tele le tausaga fou.

Soifua.”

Prime Minister’s New Year Address – 2013

“His Highness the Head of State in his Christmas Address this year, extended to the nation glad tidings of the festive season, wishing all peace and goodwill as Samoa celebrate and remember the birth of our Lord and Saviour. Commiserations were also warmly offered to families that have been adversely affected due to the recent Cyclone Evan.

“Today brings to a close our journey of the year 2012. It was a long and extended voyage that could have terminated well except for the unexpected turn of events that overtook it.

“With the recent experience of Cyclone Evan, the nation’s celebrations had no doubt been very much coloured by the devastating effects of one of nature’s powerful displays of awesome rage and ferocity, which consequently in part has left most people with a bleak outlook and mixed feelings of sadness and perplexity. Such are the challenges of our life’s journeys.

“Today, we begin our journey for 2013. As preordained by the Almighty God, the various confrontations will serve to steer the way and provide guidance for all of creation including man, to abide and live by.

“TO EVERY THING THERE IS A SEASON, AND A TIME TO EVERY PURPOSE UNDER HEAVEN.”

“A time to be born, and a time to die. A time to build up, and a time to tear down. Beyond the storm is peace and tranquillity. The morning ends in the evening, but the sun will always rise again. We must continue to hope…hope that must triumph and prevail despite life’s challenging circumstances that confronts us from time to time

“The year that has been with it’s successes and failures, is now behind us. We are now stepping on to a new year, to a brighter beginning, with a refreshed outlook and much clearer perceptions. The Government undertakes to be more vigilant in its gate-keeping role of making the right policy decisions to move the country forward and improve the lot of our people in the years ahead.

“This week commences an initiative by Government together with the Council of Churches to redesignate the initial week of the year as a ‘National Week for Prayer and Fasting’ to coincide with the usual week of prayers celebrated annually by Christian Churches around Samoa. Without a doubt, much can be wrought through prayer and God alone, the Creator of heaven and earth, can shield, protect and provide in our times of turmoil and need.

“There shall always be challenges ahead as we had been tragically reminded by the recent Cyclone Evan, that Samoa like the rest of the world is vulnerable to the consequences of Climate Change. We are doing what we can in advocating ways with other partners to stop climate change though in reality the final outcome despite our efforts is in the hands of the leaders of the major and bigger nations.

“Cyclone Evan has come and gone, and like any other disaster there is always a forewarning. Samoa has been through enough tragedies to instil in them the need to be more watchful and not remain oblivious to the drastic changes in weather patterns that are unavoidably becoming more and more harmful for our people. Major disasters can be circumvented if we take precautionary measures now instead of later.

“I take this opportunity now to express our deepest gratitude to all of Samoa’s developmental partners, such as New Zealand, Australia, China, Japan, the United States and the European Union with diplomatic representatives in Samoa, the United Nations agencies resident here as well as the Intergovernmental Financial Institutions such as the World Bank, ADB and the IMF for your generous support in the past years and once again now in the aftermath of Cyclone Evan.  I wish to especially thank those countries, in particular the Government and the people of American Samoa who have come to Samoa’s aid very early on following this disaster with gifts and donations of clothing, food, water and various other items in kind.

“FAAFETAI, FAAFETAI TELE LAVA.

“Allow me to conclude by recalling a well known song which I quote..

“NO MAN IS AN ISLAND, NO MAN STANDS ALONE,
EACH MAN’S JOY IS JOY TO ME, EACH MAN’S GRIEF IS MY OWN
WE NEED ONE ANOTHER, SO I WILL DEFEND
EACH MAN AS MY BROTHER, EACH MAN AS MY FRIEND”

“May God bless you all and may God bless Samoa as it launches out to begin yet another journey in the New Year.

“Soifua.”

Share